لِكُل قَلب اتوَجع وقَال آه...
لِكُل روح حست ب الّي جُواه...
لِكُل قلم كَتَب وعاش مَعنَاه....
موجوع يا قلب....
موجوع يا قلب؟
شد حيلَك
ياما ناس بتاكُل جوع
وناس في القلب
شايله دموع
وناس لناس
قايده صوابعها شموع
موجوع يا قلب؟
شِد حيلك...فُوق
واوعى تِطَّلع ل فُوق
دور على حقك
من غير ما تكون محقوق
جمد قلبك
دي الحياه حلوا
ارمي وراك وروق...
موجوع يا قلب؟
شِد حيلك شد
دي البلد وصلها المَد
ناس تبني
وناس تِهِد
وناس في الفقر تعِد
وناس للظلم تشِد
وناس اتقطمت رقبتها
من كثر الكَد
وناس تحلم بفرش جديد
وغيرها من النوم محروم
وناس في الحزن تعوم
غرقانه في بحر هموم
وناس تاكل الحلو ع الكيف
وناس المر عندها
بقى حلو مهضوم
موجوع يا قلب ؟
عشان حبيت
دست على كلامي
واتعديت
ياما نصحتك
وانت ما رديت
ودلوقتي جاي
تقول إنك حنيت
أبدا انتَ ما تربيت؟
انسى...
دا القلب ياما يسِيع
ارمي ورا ظهرك وبيع
داري على وجعك
دا القلب واحد
والعمر مرَّه
وخلي الأمل
عايش جواك
أبدا مش حتضيع...
هاجر عوني... تونس
تعليقات
إرسال تعليق