ماتبعديش
..............................
لما انتى ناوية تبعدى
قربتى ليه
وقولتى ليه
ادمنت كل وقت يكون معاك
كانت ساعاتنا بتجرى
اسرع م الساعات
كان كل حاجة بينا
احساسها مختلف
كان اللى بينا شئ جميل
انا معترف ...
كنت اما اسيبك وقت نومى
عينى تضيع جوه عيونك
نطير ف حلم يطول ولا ينتهيش
حلم يشبة لروحك بيخليني أعيش
وأن مرة قولتى همهمة
بأكون انا
وصوت انين المغرومين يعزف لنا
احلم باانى خيالك وخيلك من الأساطير
شوقى يطير يهز الكون مليون سنة
احلم باايدك بين ايديا مطمنة
و قلبك ينام بين ضلوعي
بااحلم اخبيكي يا عمري جوه روحي
وافضل اكتبلك قصيدة مابتنتهيش
بس كان ...الحلم كان ... والحب هان
على العاشقين
كان وقت اما نحكى ويسمع قلبنا
نبض حكايتي
كان وقت اما دمعك يغسل همومي والأنين
وقت اما كانت ضحكة منك تهز قلبى يا نور عيوني
كان. ... لما كنتي حورية ف أحلامي
ونهر العسل اللي بيحلي أيامي
ما خلصش لسة حلمنا
لسه المكان .....
لسه الزمان .....
لسه انا ...
ياريت تعودي للحنين وتسمعي
باالقانى وحدى ومش لاقيكى افهمي
باالقانى بااتجنن عليكى يا كل عمري
ياريتنى كنت فضلت احلم
جوه حلمي بين ايديكي بااقدر اعيش
ماتبعديش .....
بقلم قررت الاعتزال..
فرج. عبد الستار
تعليقات
إرسال تعليق